Tremen gwad, naturel pe wezhiet gant ar surjianerezh, etre daou barzh a 'r bevedeg, enno gwaskoù kevarall (etre un dalmerenn hag ur wazhienn, da skouer), bennozh d'un amdreug. Graet e vez ivez gant an termen dasforzhañ evit a sell ar surjianerezh. A hent all ez eo damheñvelster an daou hanc'her skoeviñ hag heptreugañ, ha graet e vez ivez gant o deveradoù : skoev, skoevad, heptreug. — heptreug dehou-kleiz pe skoev dehou-kleiz : tremen ar gwad gwazhiennel er gwad talmerel (pevaradezh Fallot). — heptreug kleiz-dehou pe skoev kleiz-dehou : tremen ar gwad talmerel er gwad gwazhiennel (san dalmerel, da skouer). — skoev daoudu : kevreted daou skoev gindu, unan o vezañ trec'h ar peurliesañ.