Etre pluskenn an empenn hag ar mel a-livenn ez eus un hordenn graet gant gwiennoù nervel a zo astennoù diouzh neuron loet er bluskenn, korf an neuron-se o vezañ a stumm pikernennek, anezho ar c'helligoù pikernennek. Alese, e reer eus hordenn ar gwiennoù ar stirad pikernennek, eus an azoniad diwar anaf an hordenn-se an azoniad pikernennek, h.a. El latin mezegel hag er yezhoù arnevez all e reer ivez cellulae pyramidales, fasciculus pyramidalis hag evit an azoniad : Gl. syndrome pyramidal, Sz. pyramidal syndrome.