Erload eizhaenn grec'h ar grouell en un durc'hadur etre, eleze na pleget evel erload ar gitern, na dibleget evel erload ar rakpenn. Mieskorek kenan eo erload an tal, rak penn ar grouell en em gav ouzh an digor krec'h hervez e dreuzkizoù brasañ (kilpenn-elgez pe kilpenn-fri). Diouzh an durc'hadur e tiforc'her meur a seurtad : erload fri-klun dehou a-dreñv, a-raok, a-dreuz (F.D.V., F.D.K., F.D.Z.) Gl. présentation naso-iliaque droite postérieure, antérieure, transverse (N.I.D.F., N.I.D.A., N.I.D.T.), h.a.