Anaf elfennel a 'r c'hroc'hen, ouzh e ober un dosenn sonnel, dezhi stummoù daskenek (kernennek, kouc'hellek, talbennigaouek), ur vent etre re ur c'hreunenn vell hag ur ferenn, ul livrezh roz, ruz pe gell, o steuziañ a-benn un nebeut devezhioù hep lezel kleizenn ebet war e lerc'h ; hervez gwikefre amparidigezh ar grugenn e tiforc'her : 1) k. gelligel (Gl. p. cellulaire), sec'h, kalet, hevonn, diwar ensiladur doues gwelead gorre an derm, 2) k. vigennevidel (Gl. p. dysmétabolique), elfenn ec'honek a-walc'h, eilvedel da goc'hionadoù danvezenn anlun, 3) k. epidermel, (Gl. p. épidermique), amvalirek, plaen, diwar usvent lec'hiek gweleadoù an ezkroc'hen, 4) k. volc'hennel (Gl. p. folliculaire), balirenn vihan kalet ha sec'h, kreizet war ur volc'henn vlevel, 5) k. vilier (Gl. p. miliaire), tosenn vihan treuzluc'hus evodet eus ar gwagrennoù c'hwezpar, 6) k. c'houliñvek (Gl. p. oedémateuse), anaf al linadell, elfenn roz-arwenn, dastennek, direadus dre ar pouezañ.